Misaka na sa moderate to strong nga kategorya ang El Niño phenomenon human makatala og sea surface temperature anomaly nga 1.8°C, sumala sa pinakabag-ong monitoring sa PAGASA Weather Forecasting Section sa Central Visayas.
Gipahayag ni Engr. Jhomer Eclarino nga gilauman nga molungtad ang maong pagbag-o sa panahon hangtod sa unang tunga sa tuig 2027, ug dako ang posibilidad nga mas mokusog pa kini ug mahimong “very strong” sa dili pa matapos ang tuig 2026.
Base sa pinakabag-ong outlook sa PAGASA, masinati ang “dry conditions” o pag-ubos sa kasagarang ulan sa katapusan sa Nobyembre, nga masundan sa “dry spell” o mas prolonged nga pagkuha sa ulan gikan sa katapusan sa Disyembre hangtod sa Enero 2027, ug posibleng moabot na sa opisyal nga “drought” o hulaw inig katapusan sa Pebrero 2027.
Gipasabot sa ahensya nga ang hulaw mao ang pinakagrabe nga matang sa kakulang sa ulan nga direktang makadaot sa suplay sa tubig, agrikultura, ug sa tibuok komunidad.
Tungod sa maong hulga, gihangyo karon sa PAGASA ang publiko ug ang nagkadaiyang ahensya sa gobyerno nga mangandam na ug magpatuman sa mga kinahanglang precautionary measures aron mapagamay ang epekto sa maong bahad sa panahon.
