Giinsister sa Office of the Ombudsman nga kinahanglan pa nilang mangita og dugang nga ebidensya batok sa kanhing Executive Secretary Lucas Bersamin ug ubang kanhing opisyal nga giingong nalambigit sa mga iregularidad sa 2025 National Budget.
Sumala ni Assistant Ombudsman Mico Clavano, lakip sa giimbestigahan ang kanhing Usec. Adrian Bersamin sa Presidential Legislative Liaison Office ug kanhing Education Usec. Trygve Olaivar.
Matod ni Clavano, gisusi sa Ombudsman ang alegasyon sa usa ka “grand conspiracy” nga may kalabotan sa giingong pagmaniobra o paglimbong sa nasudnong badyet alang sa 2025.
Anaa pa sa fact-finding stage ang kaso, diin gisusi pag-ayo sa ahensya ang mga dokumento ug ebidensya nga ilang nadawat.
May kalabotan kini sa mga alegasyon batok sa kanhing Department of Public Works and Highways Usec. Roberto Bernardo ug sa iyang giingong kalambigitan sa mga opisyal nga nalambigit sa maong isyu.
Gipasiugda ni Clavano nga lahi ang maong kaso kon itandi sa ubang mga reklamo nga giatubang sa Ombudsman.
