Gipahayag ni Department of Social Welfare and Development (DSWD) Secretary Rex Gatchalian nga hinay-hinay nga gipalapad sa ahensya ang paggamit sa mga digital channel sa pag-apod-apod sa ayuda, apan nagpabilin nga usa ka dakong hagit ang kawalay bank account sa daghang mga benepisyaryo.
Sumala kay Gatchalian, fully digital na ang payout sa Walang Gutom Program ug 4Ps, samtang ginaproseso pa ang digitization sa uban pang mga programa sa proteksyong sosyal sama sa Assistance to Individuals in Crisis Situation (AICS), lakip na ang Unified Package for Livelihoods, Industry, Food, and Transport o UPLIFT.
Sa UPLIFT, gipasabot sa kalihim nga tumong nilang himuong digital ang payout alang sa 2.5 ka milyon nga benepisyaryo, apan migawas sa gihimong validation nga 20 porsyento lamang kanila ang adunay sarang bank account.
Tungod niining maong sitwasyon, nakig-alayon karon ang DSWD sa Bangko Sentral ng Pilipinas (BSP) aron ma-enroll ang mas daghang benepisyaryo sa mga bank account ug aron hinay-hinay nga mapatuman ang digital distribution sa ayuda sa tibuok nasud.
