Gihimug-atan ni Prime Minister Donald Tusk nga ang mga pag-atake sa mga eskwelahan sa Poland sa miaging semana mga “spontaneous acts” nga gipahinabo sa online nga paghimaya sa kapintasan o ‘glorification of violence’.
Tulo ka pag-atake sa mga tunghaan sa probinsya sa Mazovian sa central Poland ang nahitabo sulod sa upat ka adlaw karong semanaha, nga mikalas og usa ka kinabuhi ug daghan ang samdan, lakip ang mga bata.
Dugang ni Tusk nga ang mga buhat mahimong nalangkit sa “nihilistic violence,” usa ka termino nga gigamit sa mga awtoridad sa paghulagway sa mga buhat sa kapintasan nga gipahinabo sa usa ka nihilistic worldview ug misanthropy imbes nga piho nga mga katuyoan sa politika.
Sa kaso sa Poland, ang uban sa mga tawo nga nadakpan aktibo sa palibot sa ultra-right. Ingon man nga gihingusgan na mga awtoridad ang pagpangita online sa sulud sa Nazi ingon man sa “mga mass killer nga nahimong mga idolo online.
