Gibutyag sa House prosecution panel ang posibilidad sa pag-likay sa buhis ni Bise Presidente Sara Duterte tungod sa giingong P111.85 milyones nga kuwang sa iyang gideklarar nga kita ug mga deposito sa bangko gikan sa 2022 ngadto sa 2025.
Matod sa tigpamaba sa House prosecution nga si Zia Alonto Adiong, niabot sa P174.96 milyones ang kuwarta nga nisulod sa bank accounts ni Duterte, itandi sa P63.11 milyones nga iyang gideklarar nga kita. Diin ang mga kantidad gibase sa pagtuki ni forensic accounting expert Alexander Cabrera sa mga dokumento nga gipresentar sa Senate impeachment trial.
Gihangyo sa prosecution team si Duterte nga ipasabot ang gigikanan sa mga deposito ug ang kalainan tali niini ug sa iyang gideklarar nga kita. Gihimakak ni Duterte ang bisan unsang sayop nga binuhatan, samtang gikuwestiyon sa iyang mga abogado ang ebidensya ug konklusyon sa prosekusyon.
Gipasabot sa prosekusyon ngadto kang Bise Presidente Sara Duterte ang giingong P111.85 milyones nga kalainan sa iyang gideklarar nga kita ug kuwarta nga nisulod sa iyang mga bank account gikan sa 2022 hangtod 2025.
Ang Article II na lang ang nahibiling impeachment complaint human gibawi sa prosecution team ang laing tulo ka kaso.
Ang depensa gikatakdang mopresentar sa ilang ebidensya sa Nobyembre 9.
