-- ADVERTISEMENT --

Modumala na karon sa Bureau of Customs (BOC) si Charlito Martin R. Mendoza isip bag-ong komisyoner, human mangulo sa Bureau of Internal Revenue (BIR) sulod sa kapin sa usa ka tuig.

Pormal nga milingkod sa katungdanan si Mendoza niadtong Nobyembre 19, 2026, human siya gitudlo ni President Ferdinand Marcos Jr nga siya ang mopuli kang Ariel F. Nepomuceno, kinsa gitudlo aron mangulo sa Bases Conversion and Development Authority (BCDA).

Sa iyang pagbalik sa BOC, misaad si Mendoza nga ipadayon ug palig-onon pa ang mga reporma sa ahensya—ilabi na mahitungod sa digitalization, pagpasayon sa mga proseso, pagpakunhod sa red tape, ug pagpalig-on sa pagpatuman sa balaod batok sa smuggling.

Gipasiugda usab niya ang panginahanglan nga padalion ang pagproseso ug pagpagawas sa mga kargamento diha sa mga pantalan aron malikayan ang mga paglangan ug dugang gasto alang sa mga importer.

Dugang pa, nagmando siya nga hugtan pa ang pagmonitor batok sa ilegal nga pagsulod sa mga produkto, ilabi na ang mga produktong agrikultural.

-- ADVERTISEMENT --