Masaligon si Atty. Nicholas Kaufman, ang nanguna nga abogado ni kanhi Presidente Rodrigo Duterte, nga aduna silay lig-on nga argumento aron mapahunong ang kaso batok kang Duterte sa International Criminal Court (ICC) sa dili pa ang hearing.
Gihatagan og gibug-aton ni Kaufman nga ang kaso dili sakop sa hurisdiksyon sa ICC tungod sa pag-atras sa Pilipinas gikan sa internasyonal nga korte sa wala pa gitugotan ang imbestigasyon batok sa kanhi Presidente.
Dugang ni Kaufman nga epektibo ang pag-withdraw sa Pilipinas sa ICC bisan sa wala pa magsugod ang ilang imbestigasyon.
Naglaum usab sila nga magmalampuson ang ilang depensa kon dawaton sa korte ang ilang argumento nga mag-abli sa posibilidad nga dili na madayon ang confirmation-of-charges hearing nga gikatakda karong Setyembre 23, 2025.
Samtang, si Atty. Kaufman kay mipasabot nga ang pagkasikop ni Duterte ug ang iyang dali nga pagbalhin sa ICC mikabat sa “kidnapping” ug “extrajudicial rendition,” nga giingong supak sa balaod sa Pilipinas. .
Apan ang kagamhanan sa Pilipinas kaniadto namahayag nga ang pagtugyan kang Duterte ngadto sa ICC kabahin lamang sa ilang obligasyon sa International Criminal Police Organization ug wala magpasabot nga ilang gikonsiderar nga sad-an ang kanhi Presidente.
