Ambulance helicopter nga mihagsa sa dagat sa Japan, nakapatay og 3 ka tawo

Nakabsan ang tulo sa unom ka mga tawo nga sakay sa usa ka ambulance helicopter nga nahagsa sa baybayon sa southwestern Japan.

Matod sa Japan Coast Guard, ang namatay naglakip sa 86-anyos nga pasyente nga si Mitsuki Motoishi, iyang caretaker nga si Kazuyoshi Motoishi ug medical doctor nga si Kei Arakawa.

Tulo ka laing mga pasahero sa ambulance helicopter ang naluwas, lakip ang piloto nga si Hiroshi Hamada, Kazuto Yoshitake, helicopter mechanic, ug 28-anyos nga nurse nga si Sakura Kunitake.

Ang trahedya nahitabo samtang ang helicopter nagpaingon sa usa ka ospital sa Fukuoka aron sa pagdala sa pasyente gikan sa usa ka airport sa Nagasaki prefecture.

Sa pagkakaron, padayon pa nga gisuta ang hinungdan sa maong aksidente.