Giawhag ni Cebu Archbishop Alberto Uy ang mga Pilipino nga isalikway ang kapintasan ug mag-focus sa pagbutyag sa kamatuoran taliwala sa mga imbestigasyon sa mga anomaliya sa pagkontrol sa baha.
Matud niini nga sa nagpadayon nga mga imbestigasyon sa giingong korapsyon sa mga proyekto sa flood control, daghang mga pag-angkon ug akusasyon ang mitumaw nga nakamugna og kalibog ug nag-abli sa pultahan sa sayop nga impormasyon, busa nanawagan ang Arsobispo sa tanan nga
magpabiling kalmado, malinawon, ug mag-focus sa kamatuoran.
Gipakatap sa Cebu Archdiocese ang pahayag ni Uy usa ka adlaw human si Elizaldy Co, nipagawas og video diin iyang giangkon nga nagpadali sa mga pagsal-ot sa 2025 national budget kay mugna nila ni Presidente Ferdinand Marcos Jr. ug Rep. Martin Romualdez sa unang distrito sa Leyte.
Ang pahayag ni Arsobispo Uy misubli sa mga awhag gikan sa ubang mga prelado nga misulti bahin sa mga imbestigasyon human sa mga gibutyag ni Co. apil niini sila si Arsobispo Jose Cardinal Advincula sa Manila ug Kalookan Bishop Pablo Virgilio Cardinal David, presidente sa Catholic Bishops’ Conference of the Philippines (CBCP).
Ingon man nga gitambagan ni Advincula ang mga lungsuranon nga likayan ang paggamit sa mga paagi nga dili konstitusyonal aron masulbad ang mga krisis. Samtang si Cardinal David, nagpasidaan alang sa CBCP batok sa “politikal nga pagpahimulos niining mga alegasyon, hilabi na kung ipagawas sa mga sensitibo nga higayon nga mahimong makapasilaob sa sentimento sa publiko o gamiton aron maimpluwensyahan ang mga resulta sa politika.
