Gikabutyag ni Atty. Noemi Truya Abarientos, National Union of People’s Lawyer nga 10 ka tuig na ang milabay sukad na implementar ang War on Drugs ni Former Philippine President Rodrigo Duterte, apan ang mga biktima niadtong gubat batok drogra wala magdahom nga moabot sa punto nga maabot kini sa hukmanan.
Dugang ni Atty. Abarientos, niadtong pang tuig 2018 naghuna-huna ang mga abogado sa NUPL nga adto na kini husayon sa International Court gumikan kay wala ug huyang ang hustisya sa Pilipinas.
Mao kini ang gikabutyag ni Atty. Abarientos, atol sa eksklusibong pakighinabi sa Bombo Radyo Cebu newsteam kaniya, diin iya pang giingun nga ang kaniadtong igo ra nila gihuna-huna, nahitabo na gyud ug niabot na gyud ang panahon gumikan tuig naman ang nilabay sukad sa pagkabalhog ni Duterte sa International Criminal Court sa The Hague, Netherlands.
Kahinomdoman nga niadtong Pebrero 23 hangtud na Pebrero 27, gipahigayon ang Confirmation of Charges Hearing alang kang Duterte, ug adunay 60 ka adlaw ang mga huwes sa pagbana-bana sa isig ka habig nga nitumaw niadtong maong pagdungog.
Subay niini, malaomon si Atty Abarientos nga madayon na “For Trial” si Duterte gumikan kay alang kaniya, ang ebidensya nga girepresentar sa kampo niini ga basi lang sa kaugalingong pronouncement niini.
Dugang pa, magpabilin siya, sila nga positibo nga malahus na sa trial kabahin ning giatubang ni Duterte. Samtang alang sa mga biktima, buot niya nga magpabiling masaligon ug ma-ampoon gumikan kay positibo sa pagpanglantaw ni Atty Abarientos nga duol duol ang purohan nga ma lahus na for trial ang maong hisgutanan.
