Nakakuha og managlahing reaksyon online ang usa ka 24-anyos nga babaye gikan sa Nakhon Phanom, Thailand human niya gipaambit ang iyang talagsaon nga relasyon sa iyang kaluha nga mga igsoon.
Giila ang babaye nga si Fah ug gipakita niini ang iyang relasyon sa iyang kaluha sa usa ka TikTok video ug adunay caption nga “Duha akong bana.”
Sumala niini unom ka bulan na siyang nakigrelasyon nila ni Sing ug Suea, parehong mga trabahante sa agrikultura.
Dugang pa nga kapin sa usa ka tuig na siyang single ug wala siyay aktibong gipangita nga relasyon sa dihang miabot ang managsuon sa iyang kinabuhi.
Ang tulo karon nagpuyo nga magkauban sa usa ka balay, diin ang kaluha nagtigom sa ilang kita aron matabonan ang mga galastuhan sa balay, nga gidumala ni Fah.
Dugang ni Fah nga ang duha ka pamilya nahibalo sa ilang sitwasyon ug walay bisan kinsa nga mosupak sa ilang relasyon.
Gipaambit usab sa batan-ong babaye nga ang ilang relasyon hapsay ug walay selos nga nabati.
Tataw usab niini nga ang klaro nga komunikasyon mao ang yawe sa ilang adlaw-adlaw nga kinabuhi ug bisan sa ilang relasyon.
Giangkon niya nga adunay pisikal nga pagkasuod sa ilang relasyon ug gipaambit nga gikan sa sinugdanan sila natulog sa parehas nga kama.
Giingon nila nga bukas ang ilang komunikasyon ug ang tanan gihan-ay base sa trabaho ug personal nga mga panginahanglan.
Sumala ni Fah, giisip nila ang pagkasuod nga normal nga bahin sa ilang relasyon apan dili kini ang sentro sa ilang kaminyoon.
Ang managsoon nga kaluha mas bata og usa ka tuig kang Fah.
