ISRAEL-HEZBOLLAH,WAR- Nasigpatan ang bagang aso sa habagatang Lebanese nga lungsod sa Nabatieh ug sa baryo sa Taybeh kaniadtong Huwebes, pagkahuman sa grabe nga mga pag-atake sa Israel sa lugar.
Gibutyag sa Mayor sa Nabatieh,nga nalakip ang usa ka major city sa habagatang Lebanon diin miresulta kini sa pagkamatay sa 16 ka mga tawo niadtong Miyerkules.
Kini gumikan sa usa ka airstrike sa Israel nga miguba sa iyang municipal headquarters ug kini ang pinakadako nga pag-atake sa usa ka opisyal nga ‘Lebanese state building’ sukad nagsugod ang Israeli air campaign.
Kung kahinumduman nga ang Israel ug Hezbollah nag-away sukad ang militanteng grupo nagsugod sa pagpabuto og mga missile sa ilang kaaway usa ka tuig na ang milabay agig suporta sa Palestinian Islamist nga grupo nga Hamas sa Gaza.
Taliwala niini ang Israel walay gipakita nga timailhan sa pagkalma sa iyang mga kampanyang militar batok sa Hezbollah sa Lebanon ug Hamas sa Gaza
Kini bisan pa sa balik-balik nga panawagan alang sa mga ceasefire ug kini misaad nga silotan ang Iran tungod sa pag-atake niini niadtong Oktubre 1.
