Aron pamatud-an sa publiko nga disente si Bise Presidente Sara Duterte kay subling gipaambit niini nga andam siya nga
mopailawom sa mga drug ug psychiatric test human kini gihinganlan nga wala sa saktong panghuna-huna, ingon man ‘krung-krung’.
Apan, dungan sa iyang pagpaambit sa iyang kaisog nga mapaubos sa bisan unsang matang sa pagsuway aron pamatud-an nga limpyo ug anaa kini sa saktong panghuna-huna kay gihagit niya ang tanang kawani sa gobyerno diin lakip na niini ang opisina sa Presidente nga mopailawom usab og drug test.
Dugang pa sa opisyal nga wala nay laing matudlo ang mga magbabalaod nga mamahimong makadaot kaniya ug ingon man nga gihimo siyang ‘punching bag’ aron matabunan ang mga kakuwangan sa gobyerno.
Hinungdan nga gihagit niini an tanang trabahante sa gobyerno nga magpa drug test atubangan mismo sa mga Pilipino.
Giklaro usab niini nga wala kini moapil sa mga panawagan nga palagputon si Pres. BongBong Marcos.
Inay, ang panawagan niini sa publiko nga pangayoon sa gobyerno ang serbisyo nga gisaad kanila sama nalang atol niadtong kampanya sa wala pa sila nakalingkod sa katungdanan.
Hilabi na ang giingon nga P20 matag kilo sa bugas nga hangtud karon wala pa matuman.
