CEBU CITY-Manghimo ug maghatag og hand sanitizers ang Brgy. Poblacion Pardo sa ilang ginsakopan agi og pakigbatok sa nCov-ARD.
Kini ang gitataw ni Brgy. Pardo Captain Manolita ‘Litang’ Abarquez sa dihang ekslusiong nahinabi sa Bombo News Team.
Gibutyag ni Abarquez nga pinaagi sa tabang ni Konsehal Alvin Dizon, gitagaan matud pa sila og kemikal nga isagol sa tubig para mahimong hand sanitizer.
Apan gihimug-atan sa kapitan nga ang tubig nga ilang gamiton ang kinahanglan nga mineral ug distilled water.
Makadawat ang matag balay niini og 500 ml kung diin unahon sa barangay ang mga daycare students nga nag-eskuwela sa ilang barangya hall sanglit siguroon matud pa nila nga limpyo ug luwas ang mga bata.
Dugang pa niini, muhatag usab ang barangay sa kasikbit nga barangay sa habagatang bahin.
Sugdan ang pagpanghatag sa mga hand sanirizer karong adlawa,Pebrero 10,2020.
Nasayran nga nakamaohan sa barangay ang naasoy nga paghimo’g hand sanitizer pinaagi sa FilCeb SME Business Club.
Watch the video in this link: https://www.facebook.com/BomboRadyoCebu963/videos/226029121763142/
