Nikunhod gamay ang national government’s budget deficit sa unang lima ka bulan sa 2026, tungod sa padayon nga pagtubo sa revenue collections, sumala sa Bureau of the Treasury (BTr).
Sa taho sa cash operations nga gipagawas niadtong Huwebes, ang BTr miingon nga ang kakulangon sa budget mikunhod ngadto sa P522.5 bilyon gikan sa Enero hangtod Mayo, kon itandi sa P523.9 bilyon sa samang panahon sa miaging tuig.
Nisaka ang kita sa gobyerno og 6.17 porsyento ngadto sa P2.07 trilyon gikan sa P1.95 trilyon sa miaging tuig.
Sa kinatibuk-ang koleksyon, 88.84 porsyento, o PHP1.84 trilyon, gikan sa buhis, samtang 11.16 porsyento, o PHP231.4 bilyon, gikan sa mga tinubdan nga dili buhis.
Ang Bureau of Internal Revenue (BIR) nakakolekta og PHP1.42 trilyon atol sa maong panahon, misaka og 4.94 porsyento gikan sa PHP1.35 trilyon sa unang lima ka bulan sa 2025.
Ang koleksyon sa Bureau of Customs (BOC) misaka usab ngadto sa PHP405.7 bilyon gikan sa PHP381.7 bilyon sa miaging tuig.
Samtang, ang non-tax revenues misaka og 15.17 porsyento year-on-year ngadto sa PHP231.4 bilyon.
Ang mga gasto sa gobyerno miabot og PHP2.60 trilyon, misaka gikan sa PHP2.48 trilyon sa Enero-hangtod-Mayo 2025 nga panahon.
Sa Mayo lamang, ang kita mikabat sa PHP420.7 bilyon, mikunhod og 7.2 porsyento gikan sa PHP433.1 bilyon sa miaging tuig tungod sa mas ubos nga non-tax collections human sa advance remittance sa mga dividend sa mga government-owned and controlled corporations.
Ang koleksyon sa BIR niadtong Mayo miabot og PHP279.1 bilyon, 15.01 porsyento nga mas taas kaysa sa PHP242.7 bilyon nga na-post sa samang bulan sa miaging tuig. Ang pagtaas tungod sa pagpalugway sa deadline sa pag-file ug pagbayad sa buhis gikan sa Abril 15 hangtod Mayo 15, 2026.
