Nanawagan ang Catholic Bishops’ Conference of the Philippines (CBCP) sa mga diyosesis sa tibuok nasud nga palig-onon ang suporta para sa mga overseas Filipino workers (OFWs) nga naapektuhan sa nagpadayon nga panagbangi sa Middle East.
Sumala ni Bishop Socrates Mesiona, ang chairman sa CBCP Episcopal Commission on Migrants and Itinerant Peoples, nga importante para sa mga diyosesis nga bantayan ang sitwasyon sa mga pamilya sa OFW ug sigurohon nga sila mahatagan og pastoral care ug praktikal nga tabang.
Ang suporta nga mahatag naglakip sa espirituhanong pag-uban, pag-access sa mga sakramento, pagtambag, ug koordinasyon sa mga charity sa simbahan ug lokal nga gobyerno.
Giawhag usab ni Mesiona ang mga parokya nga mopahigayon og espesyal nga mga pag-ampo alang sa kalinaw sa Middle East, lakip ang pagbutang og mga intensyon atol sa mga misa sa Domingo ug pag-organisar og mga panagtapok sa pag-ampo.
Gipasiugda usab sa Obispo ang papel sa simbahan sa pagpalambo sa kalinaw ug panaghiusa, labi na sa mga panahon sa krisis nga nakaapekto sa mga mahuyang nga sektor.
Dugang niya nga daghang mga OFW ang nag-atubang sa kawalay kasiguruhan, displacement, ug pagkabulag gikan sa ilang mga pamilya tungod sa nagkagrabe nga gubat.
Samtang, ang Department of Migrant Workers padayon nga nagmonitor sa sitwasyon ug naghatag og tabang kauban ang ubang ahensya sa gobyerno.
