CEBU CITY-Mihatag sa iyang mensahe si Cebu Archbishop Jose S. Palma, DD kabahin sa makapakugang nga balita sa pagtaliwan sa kalibutan sa pinalanggang santo papa nga si Pope Francis, kagahapong adlawa sa Lunes, Abril 21, 2025.
Sa mensahe sa arsobispo, gipadangat niini ang dakong pasalamat sa sa pagdalit sa Santo Papa sa iyang oras, panahon, ug kinabuhi sa serbisyo sa katungdanan sa Romano Katolikong Simbahan.
Naghalad kini og mga pag-ampo sa malinawon nga pagpahuway sa 88-anyos nga Argentinong Santo Papa.
Gani gidapit niini ang mga Sugbuanong Katoliko sa sa paghinumdom kang Papa Francisco pinaagi sa pag-ampo og banal sa Eukaristiyang kasaulogan aron dawaton kini sa Makagagahum nga Magbubuhat sa Iyang Gingharian diin ang mga tiunay nga alagad sa pamulong kay makakaplag sa kinabuhing dayon.
Kahinumduman nga mitaliwan ang Santo Papa pasado alas 3 sa hapon (oras sa Pilipinas) nga gi-anunsyo ni Cardinal Kevin Farrel, ang Charmelengo sa Apostolic Chamber sa Casa Santa Maria nga maoy official residence ni Pope Francis sa Vatican City.
