CEBU CITY- Maglusad ang buhatan sa Cebu City Department of Veterinary Medicine and Fisheries og Anti-Rabies Vaccination and Infomation Campaign sa buwan sa Marso sa pagselebrar niini sa Rabies Awareness Month.
Kini ang gipahibalo sa buhatan pinaagi sa Cebu City Public Information Office diin ang karong edisyon sa Rabies Awareness Month kay naghupot sa temang “Rabies-Free na Pusa’t Aso, Kaligtasan ng Pamilyang Pilipino!”.
Kini nga kampanya kay usa ka nasudnong kalihokan diin mihatag sa ilang kahanasan ug kontribusyon ang mga nasudnong buhatan sama sa Department of Agriculture – Bureau of Animal Industry, Department of Health, Department of Education, ug Department of Interior and Local Government uban sa kagamhanang dakbayan sa Sugbo pinaagi sa City Health Department.
Aduna kini duha ka mga kalihokan og ang una niini kay mao ang Information and Education Campaign diin suroyon niini ang mga nagdakaiyang tunghaan sa dakbayan aron paghatag og kaalam kabahin sa pagbuhi og mga hayop (iro ug iring).
Ang mga tunghaan nga bisitahon kay mao ang:
Marso 10 – Guadalupe Elementary School
Marso 11 – Lahug Elementary School
Marso 12 – City Central Elementary School
Marso 13 – Zapatera Elementary School
Marso 14 – Bagong Lipunan Elementary School
Marso 17 – Basak Community Elementary School
Samtang ang ikaduhang kalihokan niini nga Anti-Rabies Vaccination Drive kay ipahinabo sa mga nagkadaiyang barangay sa dakbayan og mao kini ang:
Marso 3 – Brgy. Tinago ug Sto. Niño
Marso 4 & 5 – Brgy. Guadalupe
Marso 6 & 7 – Brgy. Capitol Site
Marso 10 & 11 – Brgy. Lahug
Marso 12 & 13 – Brgy. Sambag 1
Marso 14 & 17 – Brgy. Sambag 2
Marso 18 & 19 – Brgy. Pahina Central
Marso 20 & 21 – Brgy. San Nicolas
Marso 24 & 28 – Brgy. Inayawan
Nagtumong ang maong kalihokan sa pag-awhag sa publiko ilabi na sa mga nanag-iya og binuhing hayop nga mahimong responsable para sa kaayuhan sa kadaghanan.
