Cebu City-Ni-endorso og resolusyon ang Cebu City Government diin naghangyo sa Cebu City Medical Center (CCMC) sa paghimo og imbestigasyon sa giingon nga anomaliya sa usa ka empleyado nga nitanyag nga mohatag og ‘anti-tetanus shot’ gikan sa iyahang kaugalingong stock sa kantidad nga kapin sa presyo P1,000.
Matod pa sa Cebu City Councilor nga si Mary Ann De los Santos, ang kanhi deputy mayor sa CCMC nga nahibaw-an niini ang anomaliya human mabasa ang Hulyo 21 nga column ni Frank Malilong Jr.
Ang tumong sa pag-endorso sa maong resolusyon ni De los Santos arun mahatagan og pagklaro ug maimbistigahan ang maong butang nga nahitabo sa CCMC.
Si Kenneth Siasar, ang kanhi CCMC administrator, nitug-an nga atol sa iyahang paglingkod ni de los Santos, nagtukod kini og ‘bidding committee’.
Matud ni Siasar nga kini nga komitiba gilangkuban sa mga chairperson gikan sa lain-laing departamento ug direktang nalambigit sa bidding committee sa City Government.
Gidugang usab ni Siasor nga sa maong panahon, walay mga transaksyon nga naglambigit sa mga ‘medical supplies’ nga gihimo sa mga ‘medical personnel’ o ubang mga trabahante.
Giangkon ni Siasar nga adunay mga higayon nga nahutdan og tambal ang tambalanan atol sa ilang paglingkod apan, nakakaplag kini og mga solusyon.
Human sa gipahigayon nga census sa mga pasyente, ilaha usab gikonsiderar ang labing daghan nga nakonsumo nga mga tambal sa maong tuig.
Sa pagkakaron, padayon gihapon nga gipa-imbistigaran sa CCMC hospital administrator nga si Sonia Empinado ang maong panghitabo.
Giangkon ni Empinado nga adunay mga higayon nga nahutdan og tetanus toxoid ang tambalanan apan nisapalig kini nga ang tambalananadunay suplay sa mga bakuna sama sa tetanus toxoid (TT) ug tetanus immune globulin (TIG).
