CEBU CITY-Nakatala lang og 66 ka mga rehistradong manaygonay (carolers) ang kagamhanag dakbayan sa Sugbo subay sa datos nga nahipos sa Cebu City Business Processing and Licensing Office (BPLO).
Matod pa sa buhatan nga ang maong datos kay gilankoban sa 57 ka mga indibidwal og 9 ka grupo sukad niadtong Disyembre 23 ning kasamtangang tuig.
Samtang ang mga manaygonay sab nga walay permits kay matod pa responsibilidad na sa Cebu City Anti-Mendicancy Office ug Cebu City Transportation Office (CCTO).
Sa habig sa CCTO nga kasamtangang wala pa silay mga na-apprehend nga mga unregistered carolers sa dakbayan subay sa kasaulugan sa Pasko ug sa umaabot pagsugat sa Bag-ong Tuig.
Kahinumduman nga niadtong Nobyembre 4 kay mipahayag ang Cebu City Anti-Mendicancy Board nga ang pagpanaygon nga walay permit kay ginadili ubos sa City Ordinance 1361, nga nailhan usab nga Anti-Mendicancy Ordinance.
Subay kini sa regulasyon nga masiguro ang kaluwasan sa publiko og paglikay sa sayop nga paggamit sa halin sa pagpanaygon batok sa mga makadaot nga kalihokan.
