Subsob ang pagpangandam karon sa Kagamhanang Dakbayan sa Sugbo ug sa Cebu City Police Office (CCPO) alang sa mga umaabot kalihokan sa Enero 2026.
Gilauman sa dakbayan ang pagsaulog sa Bag-ong Tuig, ang selebrasyon sa Fiesta Señor/Sinulog, ug ang international event nga ASEAN Summit 2026.
Sa pamahayag ni Cebu City Mayor Nestor Archival Sr. atol sa pakighinabi niini sa mga sakop sa tigbalita kauban si Police Regional Office – Central Visayas (PRO-7) Director Police BGen. Redrico Maranan sa kalihokan pag-abli sa bag-ong Command Center sa CCPO gilatid sa Mayor nga ang kagamhanang dakbayan kay nakig-alayon sa mga sakop sa kapulisan ilabi na sa CCPO ug PRO-7.
Gipanglantawan karon sa dakbayan ang pagsugat sa Bag-ong Tuig sa dayon paglabang sa Enero 1, mga kalihukan padulong ug sa mismong adlaw sa Sinulog sa Enero 18, ug ang international event nga ASEAN Summit sa Enero 28-30, 2026.
