Gibasura sa legal office ang mga pangangkon ni Konsehal Pastor “Jun” Alcover nga ang Colon night Market nag-operate nga walay hustong awtoridad.
Base sa gipadala nga legal opinion sa adlawng Biyernes niadtong Oktubre 28, giklaro ni Cebu City Attorney Briccio Boholst, nga ang operasyon sa night market usa ka “legal ug balido” gumikan aduna kini legislative authorization, hustong permit, ug executive powers ubos sa Local Government Code.
Kini gumikan sa resolusyon sa konseho nga nangayu ug katin-awan sa isyu sa night marker nga matud pa walay klarong pag-aprobar sa Gugma Board and City Council kon GASA ug sa City Council ug lakip nausab ang awtoridad sa Mayor sa pagmando sa pagpatuman niini, ug giingung lack of authihority.
Girekomendar usab sa City Traffic Office ang temporaryo nga pagsira sa dalan ngadto sa konseho nga miaprubar niini pinaagi sa mga resolusyon ug administratibong aksyon pinaagi sa Traffic Management Committee (TMC).
Gipadayon usab sa City Legal Office nga ang inisyal nga berbal nga direktiba ni Mayor Nestor Archival sa pagtukod sa night market hingpit nga gi-ratipikahan pinaagi sa administratibong aksyon, lakip ang mga permit sa BPLO ug mga resolusyon sa TMC.
Balik-balik nga gisaway ni Alcover ang padayon nga operasyon sa night market, nga gitawag ang permit sa pagsira sa dalan nga “expire na” ug gikuwestiyon ang awtoridad sa mga nag-organisar.
Giangkon niya nga kapin sa 1,000 ka mga vendor ang nag-operate kada gabii, napulo ka pilo sa gidaghanon nga gi-awtorisar sa permit sa BPLO, ug nagpahayag sa mga kabalaka bahin sa pagkolekta sa P6,000 nga bayad gikan sa matag vendor, nga wala’y opisyal nga rekord sa mga remittance sa panudlanan sa siyudad.
Giawhag ni Alcover ang mayor nga tigumon ang GASA ug ihunong ang night market, nga giingong mga paglapas sa trapiko, kaluwasan sa publiko, ug mga kondisyon sa permit.
