CEBU CITY-Mimando si Cebu City Mayor Raymond Alvin Garcia sa mga kanhi empleyado sa kagamhanang dakbayan nga iuli ang mga city-owned digital handheld radio units human nataho ang paggamit niini sa pagpangampanyan sa politika.
Kini ang gipahibalo sa mayor atol sa press conference niini sa Cebu City Hall kagahapong adlawa sa Lunes, Abril 21, 2025.
Matod pa niini nga miluwat na siya og memorandum nga nagtumong sa pagpauli sa mga Motorola branded digital radio.
Gihatagan lang niini og 72 hours o 3 ka adlaw ang maong mga indibidwal sa pagpauli sa maong mga kahimanan.
Sa pananglit dili kini mauli kay posibling mag-atubang g mga kasong legal ang mga kanhi empleyado tungod kay panag-iya kini sa City Government.
Dugang pa nga gigamit kining mga digital radio sa mga staff ug bodyguards ubos sa Office of the Mayor sa milabayng nga administrasyon nga sa bag-ohay lang nadiskubrehan sa City Disaster Office sa mga unauthorized transmission niini sayong bahin sa buwan sa Abril.
