CEBU CITY- Gimandoan kini Cebu City Mayor Raymond Alvin Garcia ang buhatan sa office of the treasury, budget, ug departments sa mas sayong pag-release sa 14th month pay ug sa P5,000 nga cash gift para sa tanang empleyado sa kagamhanag dakbayan sa Sugbo.
Gi-anunsyo kini sa Mayor atol sa flag ceremony sa Cebu City Hall kagahapong adlawa Lunes, Oktubre 28, 2024.
Dugang sa Mayor nga gusto niyang ipagawas ang year-end bonuses ug cash gifts sayo subay sa mantra sa iyang administrasyon nga paspas nga molihok sa mga trabaho para sa siyudad.
Gihangyo usab ni Garcia ang Sangguniang Panlungsod nga aksiyonan dayon ang iyang ikatulong supplemental budget nga mobalor og P300-milyones.
Kon maaprobahan na, ang SB No.3 maglakip sa appropriations alang sa salary adjustments sa mga empleyado sa City Hall, ug ang Christmas bonuses alang sa regular, casual, job order ug barangay workers sa dakbayan.
