Personal nga miangkon ang pangu sa buhatan sa Cebu Provincial Disaster Risk Reduction and Management Office (PDRRMO) nga si Col. Dennis Pastor nga anaa sa bati nga kahimtang ang ilang sistema sa unta pagtubag sa ga katalagman nga masinati sa lalawigan.
Kini ang gihulagway ni Pastor atol sa usa ka press conference niini niadtong Martes, Agosto 5 atol sa iyang paglingkod sa katungdanan.
Sumala sa opisyal nga pipila na ka tuig nag-antos sa kakuwang sa suporta sa nakalabayng administrasyon ng PDRRMO nga miresulta sa ilang kapakyas nga muresponde kung adunay katalagman mahitabo sa lalawigan.
Gani matod pa niini nga wala silay centralized command center, redundant communications, ug igong rescue gears aron unta buhaton ang tahas kanila.
Ingon man sa iyang bahin, miluwat na og marching order si Cebu Provincial Governor Pamela “Pam” Baricuatro alang sa pagpalambo sa buhatan og manumbalik ang full departmental status niini.
Pipila lang sa iyang sugyot karon ang pagpalit sa Sea and Air Ambulances nga hilabihang magamit sa mga islang lungsod o bukirang dapit sa probinsya.
