Midepensa ang tigpamaba sa Chinese Foreign Ministry nga si Guo Jiakun kalabot sa presensya sa higanteng fishing research vessel sa China sa kadagatan sa Pilipinas.
Ang kanhi US defense attaché nga si Ray Powell una nang mitaho sa pag-agi sa maong barko nga adunay ikaduhang Lan Hai 101 paingon sa amihanang kadagatan sa nasod.
Matod ni Guo, legal ang presensya sa China sa WPS, basi sa kasaysayan ug sa internaional practice.
Hinuon giinsister ni Philippine Navy spokesperson for the West Philippine Sea (WPS), Rear Admiral Roy Vincent Trinidad, nga nipagawas na usab sila og radio challenge sa maong barko tungod kay niagi kini sa teritoryo sa Pilipinas sa probinsya sa Palawan.
Dugang ni Trinidad nga posible nga nakaagi ang barko sa naasoy nga dapit tungod sa dili maayong lakat sa panahon, apan iya kining siguraduhon nga mohawa kini sa teritoryo sa Pilipinas.
Ingon man nga nipasalig usab ang Chinese personnel nga ang ilang barko magpadayon sa pagsunod sa mga katungod basi sa inosenteng pag-agi sa Philippine archipelagic sea lanes.
