Gihimakak sa China ang mga pasangil nga gi-hack niini ang telepono ni Philippine Ambassador to the US Jose Manuel Romualdez.
Kini human si Amb. Romualdez miingon atol sa forum sa American University School International Service sa Washington nga kinahanglan niyang ilisan ang iyang telepono 4 o 5 ka higayon human kini gipunting sa usa ka hacker nga Intsik.
Gibarugan usab sa PH envoy nga ang phone hackings sa US kay mugna sa mga Chinese hackers, diin siya ang usa sa mga target basi sa iyang intel sources.
Matod niya nga iyang gipadangat ang isyu ngadto kang Chinese Ambassador Huang Xilian sa usa ka miting aron hunongon ang pag-hack sa iyang telepono tungod kay dili na niya afford nga kanunay mopalit og telepono.
Sa habig sa Chinese Embassy sa Manila, nakurat kini sa maong isyu tungod matud pa nga dugay na sila nga wala magkita ni Amb. Romualdez.
