CEBU CITY — Gipaubos karon sa state of emergency preparedness ang dakbayan sa Mandaue tungod sa hulga sa coronavirus disease o COVID-19.
Subay niini, nakigkita si Mandaue City Mayor Jonas Cortes sa mga opisyal sa Department of Education ug sa Mandaue City PNP alang sa mga lakang batok sa coronavirus.
Una niini, mitambag si Cortes sa mga magtutudlo nga i-discouraged ang mga aktibidad subay na sa hulga sa maong sakit.
Tungod niini, wala nay mahitabong pagpaso sa mga tinun-an sa umaabot nga graduation rites.
Samtang gitahasan usab ni Cortes ang mga sakop sa Mandaue City PNP nga magpatrolyar sa mga publiko nga lugar.
Matud sa mayor nga daghang mga tawo ang magtapok sa public places tungod kay mitambag ang mga health authorities nga likayan ang social contacting.
Badlungon sa mga nagpatrolyar nga pulis ang mga magtapok ug pauli-on na lang sa ilang tagsa-tagsa ka mga panimalay.
Gipa-standby na usab sa mayor ang mga sakop sa City Disaster Office aron sa pagresponde kun ugaling maigo man ang dakbayan sa coronavirus.
Mitambag karon si Cortes sa publiko nga dili una mag-hoarding sa mga health supplies sa supermarket sama lang sa alcohol ug uban pa. (with reports by Bombo Crisle Adlawan/gn)
