Giaprobahan sa Department of Budget and Management (DBM) ang P2,000 across the board increase sa honoraria sa mga magtutudlo ug poll workers nga moserbisyo sa 2025 midterm elections karong Lunes, Mayo 12.
Sa usa ka pamahayag, si DBM Sec. Amenah Pangandaman niingon nga subay kini sa direktiba ni Presidente Ferdinand Marcos Jr.
Matod sa kalihim, P12,000 ang bag-ong honoraria rates sa mga magsilbing electoral board chairperson gikan sa kanhi P10,000.
Makadawat og P11,000 ang poll clerk ug 3rd member nga honoraria gikan sa kanhi P9,000 samtang ang support staff makadawat na og P8,000 gikan sa kanhi P6,000.
Dugang sa ahensya, P7.4 bilyones ang gigahin sa 2025 General Appropriations Act (GAA) alang sa sweldo sa mga poll workers.
Basi sa datus sa Commission on Elections (Comelec), ang DBM nipahibalo nga 758,549 ang kinatibuk-ang ihap sa mga poll workers alang sa national ug local elections.
Giawhag usabni Pangandaman ang poll body sa pagsiguro nga ang mga magtutudlo ug poll workers makadawat sa ilang bayad sa labing dali nga panahon.
