CEBU CITY — Gihimakak ni Konsehal Raymund Garcia nga nagpahigayon og birthday party si Cebu City Mayor Edgardo Labella sukwahi sa nanggawas sa social media nga hulagway diin naa matud pay kaon kung diin gitambongan sa mga opisyales.
Matud ni Garcia nga nagpa-attendance pa ang mayor gumikan kay meeting kadto kalabot sa update sa Covid-19 kung diin gitambongan usab kini sa mga barangay captain ug mga councilors.
Gani, anaa usab sa maong meeting si Dr. Jaime Bernadas ang regional director sa Department of Health (DOH-7) aron sa paghatag sa mga kalambuan taliwa sa Covid-19 pandemic paryticular na sa rehiyon-7.
Natural lang dason pa ni Garcia nga dunay kaon sanglit tingpaniudto naman kadto ug naandan na gyud na nga magpakaon kung dunay meeting.
Ila usab matud pang tan-awon kung duna bay liability o tulubagon ang nag-upload ug nagpakatap sa maong taho, ayha kini nila pasakaan og kaso.
Hinoon, wala ra matud pa nila gitagaan og igong pagtagad ang nag-upload sa maong hulagway sanglit dili matud pa sila guilty. (fdp)
