Gipaniguro sa Department of Migrant Workers (DMW) nga igong hinabang ang ihatag sa pamilya sa Pinoy nga trabahante nga gibitay sa Saudi Arabia.
Sa usa ka interbyu, si DMW Secretary Hans Leo Cacdac miingon nga ang tanang tabang nga gikinahanglan sa pamilya ihatag sa gobyerno.
Ingon man nga gibista na usab sa DMW ang pamilya sa wala hinganli nga Pinoy ug gipahibalo ang subo nga gidangatan sa ilang kabanay.
Atol sa pagbisita sa DMW, si Cacdac niingon nga ila dayong gipaabot ang suporta sa pamilya ug gisusi ang ilang mga kinahanglanon.
Bisan og wala na magdetalye ang kalihim, iyang gipasalig nga andam ang gobyerno nga mohatag og tabang alang sa pamilya sa biktima.
Gahapong adlawa, gikompirmar ni DFA Undersecretary Eduardo De Vega ang pagpatay sa Pinoy nga trabahante nga nag-atubang og kasong murder sa Saudi Arabia.
Giinsister sa DFA nga gihimo sa gobyerno ang tanan, lakip na ang mga legal nga remedyo aron mapugngan ang silot sa kamatayon batok sa mga OFW, apan ang mga ebidensya nga gipresentar batok sa mga trabahanteng Pilipino hilabihan ka dako.
