Nakigtambayayong ang Department of Labor and Employment (DOLE) sa usa ka civic organization nga nagpausbaw sa mga paningkamot sa pagwagtang sa pinakagrabe nga matang sa child labor sa probinsiya sa Negros Oriental.
Busa, ang DOLE nagpahigayon og profiling sa mga bulnerableng child workers sa mga lungsod nga adunay natala nga mga panghitabo sa child labor, diin, gikan sa 2018 hangtod 2022, ang DOLE nagpahigayon og child labor profiling, pagkahuman gi-monitor sa departamento ang mga giila nga child laborers.
Subay niini, nipagawas ang maong buhatan og P5M nga livelihood assistance sa 1st quarter karong tuiga ngadto sa 120 ka ginikanan sa giila nga mga child workers.
Sa gikabutag ni DOLE Senior Labor and Employment Officer Rubie Cempron, ang livelihood assistance naghatag sa mga ginikanan sa mga child laborers og kahigayonan nga makakita og kita ug makapugong sa ilang mga anak nga malakip sa child labor.
Sa pikas bahin, ang Children’s Legal Bureau (CLB), usa ka civic organization nga gipakusgan usab ang kampanya niini aron wagtangon ang pinakagrabe nga matang sa child labor ug ipasiugda ang proteksyon sa mga child workers o interbensyon alang sa mga apektadong bata ug ilang mga pamilya.
Ubos sa serbisyo sa legal nga tabang niini, ang CLB naghatag ug legal nga tabang sa mga child laborers aron mapalambo ang hustisya sa mga bata. | Bombo Irene Ardiente
