Giklaro sa pamunoan sa Department of Transportation nga ang fuel subsidy nga ilang iapud-apod alang sa tanan ug dili lang alang sa consolidated Public Utility Vehicles.
Katuyoan sa maong subsidy nga maminusan ang kabug-at nga giatubang sa mga PUV drivers ug operators tungod sa kamahal sa presyo sa petrolyo sa nasud.
Matod sa ahensya, dili kinahanglan nga mag-consolidated ang mga drayber o operator aron mahatagan og fuel subsidy sa gobyerno.
Gitumbok usab niini nga kinahanglang inklusibo kining programa sa gobyerno tungod kay gibati sa tanang sektor ang epekto sa taas nga presyo sa petrolyo tungod sa tensyon tali sa Israel ug Iran.
Ingon man nga una ng gipahibalo sa buhatan nga ang target sa gobyerno kay ang mga operators ug drivers sa public utility vehicles sa nasud.
Gipasabot sa DOTr nga nahuman na ang mga guidelines sa ipatuman nga programa.
