Gipalig-on sa Gobyerno sa Dakbayan sa Sugbo ang mga paningkamot niini sa anti-mendecancy pinaagi sa pakigtambayayong niini sa Department of Social Welfare and Development (DSWD) alang sa Pag-Abot Program, nga gilunsad niadtong Hulyo 2023.
Nagpadala ang inisyatibo og mga social worker sa tibuok siyudad aron maabot ang mga pamilya ug mga indibidwal nga anaa sa mga sitwasyon sa kadalanan ug giawhag sila nga boluntaryong mosulod sa mga shelter nga gidumala sa gobyerno sa South Road Properties (SRP).
Pinaagi sa Balik Probinsya, Bagong Pag-asa (BP2) nga bahin sa programa, ang mga street dweller nga gusto nga mobalik sa ilang mga probinsya gihatagan sa gikinahanglan nga tabang aron mahimo kini.
Mibutyag usab si DSWD Regional Director Shalaine Marie Lucero nga ang mga benepisyaryo hingpit nga gisusi ug gi-profile sa dili pa makadawat og interbensyon, lakip ang pagkaon, medikal nga pag-atiman, temporaryo nga shelter, suporta sa transportasyon, ug tabang sa panginabuhi.
Sigon ni Lucero nga samtang 16 ka mga indibidwal ug duha ka pamilya ang pormal nga gi-profile, mga 40 ka mga tawo—lakip ang mga indibidwal nga wala gi-profile—ang kasamtangang nagpuyo sa mga shelter.
Alang niadtong dili taga-Cebu City, ang ahensya motabang sa pagsiguro sa abang nga balay ug pagbayad sa abang sulod sa unom ka bulan hangtod sa usa ka tuig, depende sa ebalwasyon. Dugang niya nga ang suporta sa aftercare gi-coordinate sa mga lokal nga gobyerno aron masiguro ang dugay nga kalig-on, nga nagpasiugda.
Ubos sa programa, ang matag benepisyaryo makadawat usab og ₱150 matag pagkaon o ₱450 matag adlaw, uban sa mga suplay sa pagkaon matag tulo ka adlaw.
