Mipagawas og price guide para sa mga essential school items ang buhatan sa Department of Trade and Industry – Central Visayas (DTI-7) para sa nagsingabot nga Balik-Eskwela sa umaabot Hunyo 16, 2025.
Kini nanukad sa Central Office sa DTI pinaagi sa Fair Trade Group (FTG) nga nagtinguha sa paghatag og pagibalo sa mga konsumidor sa anaa nalay duha ka semana sa dili pa ang pag-abli sa klase para sa School Year 2025-2026.
Sa maong price guide nga giluwat sa DTI-7 niadtong Biyernes, Mayo 30 kay naglatid sa suggested retail prices (SRP) para sa mga notebooks, pad paper, lapis, ballpen, ug uban pa.
Ang price guide nagpakita ang ang presyo sa notebook kay maggikan sa P15 ngadto na sa P52 depende sa klase; Pad paper para sa Grades 1-4 kay nagpresyo sa P15 ngadto sa P48.75 samtang ang intermediate pads kay gikan sa P31 ngadto sa P48.75.
Ang lapis kay nagpresyo og P11 ngadto sa P24 ang buok depende sa brand ug klase; Ballpen kay ngapresyo sa P3 ngadto sa P33 ang buok depende sa klase.
Samtang ang coloring materials sama sa krayola kay nagpresyo sa P12 ngadto sa P114 depende sa klase ug gidaghanon; Erase nga nagpresyo sa P4.50 ngadto sa P20; Tahal o Sharperners sa P15 ngadto sa P69; ug ang Ruler kay P16 ngadto sa P39 depende sa klase ug brand.
Ang price guide kay naghatag sab sa pahibalo kung unsang mga produkto ang nagpaubos sa ilang presyo karong tuiga.
