METRO MANILA-Gilauman nga mahatagan ang mga magtutudlo og usbaw sa ilang sweldo karong buwan sa Setyembre nga payroll.
Kini basi sa Executive Order 64 nga gilagdaan ni Presidente Ferdinand Marcos Jr. niadtong Agosto 2, 2024.
Sa budget hearing, si Education Sec. Sonny Angara nga adunay gihatag nga sumbanan sa Department of Budget and Management (DBM) nga magamit sa mga ahensya sa gobyerno ang ilang tinigom aron mahatagan dayon ang usbaw sa suholan ug ilisan na lang kini.
Matud ni DepEd Usec. Analyn Sevilla nga tulo ka rehiyon ang nipatuman na sa salary differential ug lima ka rehiyon ang nipagawas og partial payments, ug ang uban anaa na sa proseso.
Samtang ang mga magtutudlo makadawat og retroactive increase alang sa buwan sa Enero hangtod Agosto karong 2024.
Ingon man nga gisugdan na usab sa Cordillera Administrative Region (CAR), Region 7 (Central Visayas), Region 10 (Northern Mindanao), ug Region 11 (Davao Region) ang partial release sa ilang Notice of Official Salary Adjustment (NOSA).
