CEBU CITY- Gipakusgan sa Kapulisan sa Cebu City Police Office (CCPO) ang ilahang mga lakang alang sa pagpalambo sa kaluwasan sa publiko pinaagi sa komprehensibong serye sa gipakusog nga anti-crime operations.
Kung diin, gikan sa Marso 17-19, 2025, ang CCPO nagpahigayon og halapad nga operasyon nga gitawag og SACLEO, nga miresulta sa malampuson nga pagkasikop sa 67 ka mga suspek nga nalambigit sa nagkalain-laing ilegal nga kalihokan, lakip na ang pagpamaligya og drugas, illegal nga sugal, paghupot og dili rehistradong armas, ug pagkasikop sa mga wanted person.
Sa Drug Enforcement, nakahimo sila og 38 ka dungan nga operasyon nga gihimo sa tibuok siyudad.
Dinhin, nasakmit ang gidudahang ilegal nga drugas nga mobalor og gibana-bana nga ₱2,934,676.00, nga nagpakita sa walay paglubad nga pasalig sa buhatan sa pagbalda sa patigayon sa drugas.
Samtang, sa Illegal Gambling, nasikop ang anaa sa 3 ka mga indibidwal nga nalambigit sa nagkalain-laing matang sa ilegal nga sugal, nga nagpalig-on sa mensahe nga dili itugot ang maong mga kalihokan.
Sa Firearms Control, adunay lima ka loose firearms ang nakumpiska atol sa mga operasyon, nga nakatampo sa mas luwas nga palibot sa mga residente.
Gawas pa niining mga kritikal nga kalamposan, malampusong nasikop sa CCPO ang 15 ka mga indibidwal nga adunay outstanding warrants.
Kini, nagpasiugda sa dedikasyon sa buhatan sa kaluwasan sa publiko ilabi na sa umaabot nga Mayo 2025 National ug Local Elections.
