CENTRAL VISAYAS- Gisunog sa mga awtoridad ang kapin sa P489,000,000 nga balor sa nakumpiska nga ilegal nga drugas pinaagi sa pagsunog niini sa crematorium facility sa Cosmopolitan Funeral Homes sa Junquera Street, Cebu City, karung adlawa Huwebes, Nobyembre 14, 2024.
Ang imbentaryo naglakip sa kinatibuk-ang 71.83 ka kilo nga shabu, 3.38 ka kilo sa marijuana, 47 ml sa nalbuphine hydrochloride, 55 ka tableta sa ecstasy, ug 47 gramos sa ephedrine hydrochloride.
Kini nga ilegal nga drugs nasakmit sa mga awtoridad sa Central Visayas, gikan sa bulan sa June niining tuiga hangtud ning kasamtangan.
Gitino ni DIR. Alex M. TABLATE, ang Acting regional director Pdea-7, nga karun nga panahon ang pinadako nga kantidad sa illegal nga drugas nga ilahang nasunog sulod sa walo ka tuig.
Ang mga ilegal nga drugas nga anaa karon sa kustodiya sa Philippine Drug Enforcement Agency (PDEA) Region 7 ug sa kapulisan gikan sa Central Visayas, naggikan sa Bohol Police Provincial Office, Lapu-Lapu City Police, Mandaue City Police, ug Cebu City Police, adunay pagtugot sa korte alang sa pagsunog.
Ang pagguba nga giaprobahan sa korte nagrepresentar sa mahinungdanong lakang sa pakigbatok sa ilegal nga drugas sa Central Visayas.
Giwagtang niini ang mga nasakmit nga substansiya gikan sa sirkulasyon ug gipasiugda ang pasalig sa mga ahensya nga nagpatuman sa balaod sa mga paningkamot batok sa droga sa rehiyon.
