Nalangan ang gikatakdang duwa tali sa Golden State Warriors ug Minnesota Timberwolves sa Minneapolis human sa usa ka insidente sa pagpamusil nga naglambigit sa mga federal agents, nga nakapatay sa usa ka 37 anyos nga lalaki.
Busa, gi-postpone una ang duwa aron unahon ang kaluwasan ug seguridad sa komunidad sa Minneapolis, sumala sa NBA.
Ang insidente mao ang ikatulo nga pagpamusil karong bulana nga naglambigit sa mga opisyal sa federal, diin ang biktima, si Alex Pretti, usa ka nars sa ICU, gipusil sa usa ka ahente sa Border Patrol sa silangang bahin sa siyudad, duha lang ka milya gikan sa Target Center diin unta ipahigayon ang dula.
Samtang, ang ubang mga kalihokan sa lugar naapektuhan usab sa insidente ug adunay dagkong mga protesta sa sentro sa siyudad isip protesta sa operasyon sa pagpatuman sa federal immigration sa paggukod sa mga imigrante, ubos sa administrasyong Trump.
