-- ADVERTISEMENT --
SOUTH KOREA-Gatusan ka mga tawo ang naluwas ug gipabakwit human sa usa ka sunog nga miulbo sa usa ka dako nga building sa South Korea, siyudad sa Seongnam.
Kapin sa 260 ka mga bombero ug 80 ka mga sakyanan ang gipakatap aron masiguro nga daling mapalong ang sunog ug masiguro nga wala’y matanggong sa sulod.
Dugang sa departamento nga ang mga emerhensya nga mga trabahante sa pagkakaron nakaluwas na og 240 ka mga tawo, samtang ang laing 70 kay nakahimo sa paggawas sa walo ka andana nga bilding nga walay tabang.
Mokabat sa 28 ka mga tawo ang nakaangkon og mga light injuries, lakip na ang smoke inhalation, apan walay mga taho sa seryoso nga nasamdan./
