Nagpagawas na og pahayag si Ethan David, miyembro sa boy group nga GAT kalabot sa kontrobersyal video nga nag-viral sa social media niadtong Mayo 7.
Sa maong video, kauban niya sila si BINI Jhoanna, BINI Colet, BINI Stacey, ug professional dancer nga si Shawn Castro.
Diin gisaway sa publiko ang video tungod sa giingong pagbugal-bugal sa sensitibong isyu sa pamostura ug sexual abuse.
Sa video, makita si Shawn nga nagbarog sa luyo ni Ethan ug nagpakaaron-ingnon nga nagbiaybiay kaniya samtang naghimo og usa ka lihok nga law-ay tan-awon.
Tungod sa grabeng pagsaway, nangayo og pasaylo ang mga nalambigit sa insidente niadtong Mayo 8. Matud pa nila nga private moment lang kini tali sa managhigala ug wala silay intensyon nga magbiaybiay sa bisan unsang seryosong isyu.
Sa pinakaulahing pamahayag ni Ethan, kusganon niyang gipanghimakak ang mga pasangil nga nalambigit siya sa pagpamanday o bisan unsang relasyon sa menor de edad.
Giangkon usab niya nga naapektuhan ang iyang mental health sa mga pagsaway ug sayop nga impormasyon nga iyang nadawat online.
Giinsister niini nga dili gayud siya mouyon sa bisan unsang matang sa abusadong kinaiya.
Ingon man nga padayong nangayo og pasaylo ug pagsabot sa publiko ang grupo dungan sa pagmintinar sa ilang baruganan nga wala tuyoa nga malisyoso ang maong video.
