Filipinas, nakatabla batok Uzbekistan sa iskor nga 1-1 sa Asian Games

Adunay maayong pagsugod ang national women’s football team sa Pilipinas, ang Filipinas, sa ilang kampanya sa ika-20 nga Asian Games sa Aichi-Nagoya, Japan.

Nahitabo kini human sa 1-1 nga tabla batok sa Uzbekistan.

Nakapuntos ang Uzbekistan sa unang goal sa ika-81 nga minuto sa duwa.

Apan, wala mawad-i og kadasig ang Filipinas, diin nakapuntos si Natalie Collins sa katapusang mga minuto sa duwa.

Atubangon sa Filipinas ang Hong Kong sa ilang sunod nga duwa sa Group G karong Huwebes, nga sundan sa duwa batok sa China karong Lunes.