CEBU CITY — Nanawagan si Cebu Governor Gwendolyn Garcia og suportahan sa mga sakop sa Hunta Probinsyal ang tinguha nga mabalik ang probinsya sa pagka-numero uno.
Kini ang nahimong pamahayag sa gobernadora atol sa inaugural session sa 15th Sangguniang Panlalawigan diin naninguha kini mag-una ang Sugbo dili lang sa resources ug pagka-competitive, kun dili sa pagpanerbisyo ngadto sa mga Sugbuanon.
Gi-awhag ni Garcia ang mga sakop sa Provincial Board nga magrespetuhay ug magsinuportahay alang sa pagpatuman sa mga programa ug serbisyo sa kagamhanan sa probinsya.
Gawas niini, gihaklad usab sa gobernador ang iyang mga programa nga pagasuportahan sa Hunta sama lang sa pagsulbad sa problema sa trapiko, pagpatukod og mass transport system sa probinsya, pagbaton og kaugalingong supply sa tubig, pagpalambo sa health facilites, pagsaka sa cash incentives sa mga barangay, workers, ug daghan pa.
