Gipasidungan sa simbahan sa Cebu Metropolitan Cathedral, ang kapin gatosan ka mga Jubilee of Hope Awardees, og Plaque of certipiko, diin personal kini nga gitunol ni Cebu Archbishop Jose Palma, gahapong adlawa, Hunyo 23, 2025.
Ang maong kalihokan gisubay sa selebrasyon sa Jubilee Month sa buwan sa Hunyo, diin, adunay gipahigayon nga misa nga gipanguluhan usab sa maong Arsobispo, sa alas 10:00 sa buntag.
Gisundan dayon sa pormal nga pag-pasidungog sa gatosan ka mga awardee tungod sa dakong naambag niini sa katolikanhong simbahan dinhi sa Dakbayan sa Sugbo.
Nakadawat ang mga nagkadaiyang grupo sa simbahan sama sa
couples for Christ, Col Board, Catholic Women’s League, Catholic faith Defender, Catholic Bible Sharing Community, Brotherhood of the Most Holy Name Of Jesus, Daughters in Mary Immaculate, ug uban pang mga grupo nga nisalmot sa mahinungdanong kalihokan.
Sa ikslusibong pakighimamat sa Bombo Radyo Cebu team kang Cebu Archbishop Jose S. Palma, iyahang gikabutyag nga kini ang pamaagi sa pag-proclaim sa paghigugma sa Ginoo, aron ang kinaiyahan mahimong nindut nga puluy-anan kung magpabilin ang pagtuo sa katawhan sa labawng makagagahom. | Bombo Irene Ardiente
