Gikatakdang kanselahon sa Office of the Solicitor General (OSG) ang tanang fraudulent birth certificates ug mawad-an sa mga real property ug uban pang asset nga ilegal nga nakuha sa atong nasud sa mga langyaw o langyaw nga empleyado sa Philippine Offshore Gaming Operators (POGOs).
Matod ni Solicitor General Menardo Guevarra, ang ilang mga lakang batok sa mga POGO dili matapos sa paglarga sa mga langyaw nga trabahante sa nasud.
Bisan sa pagkakaron wala pay eksaktong numero sa hiniusang value sa assets sa mga POGO nga gikatakdang ma-forfeit, nunot niini niingon si SG Guevarra nga ila kining i-release kon magamit na.
Dugang pa niya nga mao kini ang unang mando ngadto kanila nga bawion ug kontrolon sila.
Kini nga lakang sa OSG nunot sa gibutyag sa National Bureau of Investigation (NBI) niadtong Hulyo sa miaging tuig nga nadiskubrehan niini ang dul-an sa 200 ka peke nga birth certificates nga giisyu ngadto sa mga Chinese nationals tali sa 2018 ug 2019 gikan sa civil registry sa lungsod sa Santa Cruz sa Davao del Sur. .
Paglabay sa tulo ka bulan niadtong Oktubre 20, 2024, gitugyan sa komite sa House Quad ang mga dokumento sa OSG nga adunay mga land acquisition ug mga propyedad nga giingong gipanag-iya, gibaligya ug nakuha sa mga Chinese national nga nakalapas sa Konstitusyon sa Pilipinas.
