CEBU CITY-Nanghinaot si Incumbent Cebu Governor Hilario Davide III nga i-honor ni newly elected Cebu Governor Gwendolyn Garcia ang iyang gitukod nga 1.5 billion pesos resource building project sa iya na unya nga paglingkod.
Kini human nga miingon si Garcia nga iya kining ipahunong sa oras nga mulingkod na kini isip bago nga gobernador.
Sigon ni Davide nga kung boot ipahunong ni Garcia ang iyang nasugdan nga proyekyto, taas pa kini nga proseso tungod kay naa naman kini kontrata hayan magpaabot nalang matud pa ang incumbent gobernador sa desisyon sa korte sanglit duna naman kini kaso nga gipasang-at ni Garcia.
Hinoon, mipasalig si Davide nga musuporta siya sa administrasyon alang sa ikaayo sa probinysa.
Apan gi-angkon usab ni Davide nga nasakitan kini sa pagkapildi sa iyang kaalyado nga si Incumbent Vice Governor Agnes Magpale.
