Nilusad ang Land Transportation Office (LTO) Region-7 og imbestigasyon, batok sa usa ka babaye nga giilang si Debbie Marie Amores Juit, ang tag-iya sa rehistradong motorsiklo, kini human nga nag-viral sa social media ang video sa iyang paghimo og mga delikadong stunts sa usa ka busy nga highway sa Mandaue City.
Ang maong viral video nahitabo kaniadtong Hunyo 12, 2025, diin nakakuha sa atraksyon sa mga katawhan, ug usab kabalaka, tungod sa kahambugera niini tunga tunga sa dalan nga posibleng maka among sa ubang motorsiklo.
Dugang niana, ang gipakaylap nga footage tin-aw nga naghulagway sa babaye nga nagsakay sa usa ka serye sa mga peligroso kaayo nga mga maniobra samtang nag-operate sa iyang motorsiklo taliwala sa aktibo nga trapiko. Lakip niini ang pagbuhi sa mga manibela, pagsandig nga delikado sa usa ka kilid, ug bisan kadiyot nga pagsayaw samtang naglihok pa ang sakyanan.
Busa, si LTO Region 7 Director Glen G. Galario paspas nga ni aksyon sa singgit sa publiko, ug niisyu siya sa Show Cause Order, nga pormal nga nagmando kang Juit nga moatubang sa LTO 7 Operations Division sa N. Bacalso Avenue, Cebu City.
Gikinahanglan siya nga mohatag og pamahayag nga katin-awan sa iyang walay ayo nga binuhatan, nga maoy usa ka tataw nga paglapas sa Section 48 ubos sa Republic Act 4136, nga sagad nailhan nga “Reckless Driving” provision. | Bombo Irene Ardiente
