Gihangyo sa House prosecution team sa Senate Impeachment Court nga tugotan ang media nga motambong ug mogamit sa pinulongang Filipino sa umaabot nga pre-trial conference sa kaso ni Bise Presidente Sara Duterte.
Sumala sa lead prosecutor ug Batangas Rep. Gerville “Jinky Bitrics” Luistro, kini kabahin sa ilang mga sugyot alang sa pre-trial briefing sa Hunyo 18 aron masiguro nga ang pagdungog kay abli, masabtan, ug masundan sa publiko.
Gawas sa pagtugot sa media, ang prosekusyon mohangyo usab sa pag-translate sa diskusyon ngadto sa lain-laing mga diyalekto, ang pagpatuman sa “open rule” sa pagpangutana, ug ang pag-una sa kamatuoran o “substance over technicalities” over legal technicalities.
Samtang, gilauman usab nga ang impeachment trial molungtad og mga tulo ka bulan sa pagsugod niini sa Hulyo 6, 2026.
Gibanabana kini human gipangutana kung ang prosekusyon adunay timeline alang sa pagtapos sa impeachment trial.
Si Luistro miingon nga kung ang mga hearing magpadayon ug walay mga paglangan, ang pagdungog matapos sa Setyembre.
Gipasabot ni Luistro nga ang Senate impeachment court ang magtakda sa katapusang iskedyul ug gidaghanon sa mga adlaw sa husay sa pre-trial conference nga ipahigayon sa Hunyo 18.
Sumala ni Luistro, ang duha ka habig pangutan-on kung pila ka adlaw nila kinahanglan nga ipresentar ang ilang tagsa-tagsa ka ebidensya ug mga saksi.
Gipaambit usab sa magbabalaod nga gibase niya ang iyang kalkulasyon sa miaging impeachment trial ni kanhi Chief Justice Renato Corona nga milungtad og upat ka bulan gikan sa Enero hangtod Mayo sa 2012.
Tungod niini, nagtuo si Luistro nga ang kaso ni Duterte mahuman sulod lang sa tulo ka bulan.
