CEBU CITY- Magpahigayun og lihok protesta ang pipila ka grupo sa Hugpong Sugboanon Batok Korapsiyon sa Plaza Independencia sa umaabot adlawng Dominggo, 21, 2025.
Kini ang gipahibalo sa usa sa mga covenors sa maong aktibidadis nga si Moises Deparine, diin matud pa tumong sa maong kalihokan nga manawagan sa gobyerno nga hunongon ang korapsiyon hilabi na nga maykalambigitan sa isyu sa flood control projects.
Gipanawagan usab niini nga unta mukanaog na ug isurrender ang posisyon sa kasamtangang House Speaker Martin Romualdez ug Cong. Zaldy Co, gumikan kay matud pa sila ang primerong gitudlo sa mga Discaya sa mga anumalusong proyekto.
Gipanglantawan usab ni Deparine, nga ug padayunon pa sa gobiyerno ang korapsiyon, possible nga mosangpot sa kagubot ug mamahimo nga susama usa ka rebolusiyon ang maong panghitabo gumikan sa mga kaaligut-got sa mga katawhan.
Langkoban ang maong kalihokan sa pipila ka mga grupo sa; vendors association, grupo sa mga mag-uuma, mananagat ug riders ang posibleng mopartisipar sa rally.
Pahigayunan una ug motorcade ang kalihokan nga motuyok sa upat ka mga dakbayan sa; Talisay, Mandaue, Lapu-Lapu ug Dakbayan sa Sugbo.
Gibana-bana nga sobra 3,000-ka mga indibidwal ang mosalmot sa maong kalihokan.
