Nakahukom ang International Criminal Court (ICC) Pre-trial Chamber I Miyerkules, Hulyo 23, nga ihatag ang hangyo sa kampo ni kanhi Presidente Rodrigo Duterte nga suspensuhon ang adjudication alang sa interim release.
Kini nagpasabot nga ang Korte magpugong sa paghimo og desisyon kon hatagan ba ang kanhi presidente sa Pilipinas og temporaryong kagawasan, aron mahatagan og dugang panahon ang iyang legal team sa pagtigom ug pagsumiter og dugang impormasyon nga ilang giisip nga mahinungdanon.
Ang tanan nga tulo ka mga judges sa Chamber miuyon sa pagsuspinde, uban ni Judge María del Socorro Flores Liera nga adunay bahin nga misupak.
Kahinumduman nga nisang-at ang legal defense team ni Duterte og dinalian nga interim-release niadtong Hunyo 12, 2025, nga nagkutlo sa humanitarian grounds tungod sa iyang katigulangon nga 80 anyos ug gisupak kini sa prosekusyon ug sa Office of Public Counsel for Victims (OPCV).
Apan niadtong Hulyo 14, ang depensa misang-at og laing dinalian nga hangyo, niining higayona nga suspindihon ang pagdungog sa interim nga pagpagawas, tungod sa pipila ka “mga babag” tungod sa pagkalangan sa pagkuha sa importanteng impormasyon.
